ეს პოლიტიკა განმარტავს, იყენებს თუ არა DPT Consulting-ის სასწავლო პლატფორმა (learning.dpt.ge) ქუქი ფაილებს და რა ინფორმაცია შეიძლება შეინახოს თქვენს ბრაუზერში პლატფორმით სარგებლობისას.
მზა ჩანაწერები (შემდგომ – „ქუქი ფაილები“) არის მცირე ტექსტური ფაილები, რომლებიც ინახება თქვენს მოწყობილობაზე ვებსაიტზე ვიზიტისას. ისინი ხელს უწყობენ ვებსაიტის გამართულ მუშაობას და შეიძლება აგროვებდეს ინფორმაციას ვიზიტორთა ქცევის შესახებ.
სასწავლო პლატფორმა learning.dpt.ge არ აყენებს ქუქი ფაილებს. პლატფორმა არ იყენებს ანალიტიკის ან მესამე მხარის სხვა ინსტრუმენტებს, რომლებიც თქვენს მოწყობილობაზე ქუქი ფაილებს განათავსებს. პლატფორმის გვერდები, შრიფტები და სხვა ფაილები იტვირთება მხოლოდ პლატფორმის სერვერიდან.
DPT Consulting-ის ვებსაიტზე (dpt.ge) გამოყენებული ქუქი ფაილების შესახებ ინფორმაცია მოცემულია dpt.ge-ს ქუქი-ფაილების პოლიტიკაში.
პლატფორმის ზოგიერთ გვერდზე გამოიყენება ბრაუზერის ლოკალური მეხსიერება (local storage, IndexedDB). ეს არ არის ქუქი ფაილი, თუმცა ინფორმაცია ასევე ინახება თქვენს მოწყობილობაზე. აღნიშნული ინფორმაცია პლატფორმის სერვერზე არ იგზავნება.
| ჩანაწერი | სად გამოიყენება | მიზანი | შენახვის ვადა |
|---|---|---|---|
| dpt_theme | სასწავლო სივრცე და ორგანიზაციის სივრცე | თქვენ მიერ არჩეული ფერის რეჟიმის (მუქი ან ღია) დამახსოვრება | ინახება, სანამ ბრაუზერის მონაცემებს არ წაშლით |
| dpt_audit_v1 | ორგანიზაციის სივრცე | ორგანიზაციის სივრცეში შესრულებული მოქმედებების ჟურნალი, რომელიც ინახება ორგანიზაციის მომხმარებლის მოწყობილობაზე | ინახება, სანამ ბრაუზერის მონაცემებს არ წაშლით |
ლენდინგის გვერდზე, დემოს მოთხოვნის ფორმასა და სისტემაში შესვლის გვერდზე ბრაუზერის ლოკალური მეხსიერება არ გამოიყენება.
ბრაუზერის ლოკალურ მეხსიერებაში შენახული ინფორმაციის წაშლა ნებისმიერ დროს შეგიძლიათ ბრაუზერის პარამეტრებიდან, learning.dpt.ge-ს საიტის მონაცემების წაშლით. ამ შემთხვევაში ფერის რეჟიმი დაუბრუნდება საწყის მდგომარეობას.
თუ გაქვთ შეკითხვები წინამდებარე პოლიტიკასთან დაკავშირებით, გთხოვთ, დაგვიკავშირდეთ: info@dpt.ge.
